مولاتنا أم البنين صلوات الله عليها

اتغمض المدينة وتبقه عيني الحمره
متحفية واتعنه الحسن يم گبره
موهمي ولدي همي يبن الزهره
تردلي سالم للمدينة
__
سور الهواشم خله..شالوا هله لكربله
وگبر الحسن راحو زواره عالنوگ
امن ترابه يا ما شلت..ودرت اعلگلبي درت
وما يطفه يا گلبي الخليته محروگ

مو بس انه محروگه امن الافراگ..يمه يحسين
لزواره الحسن هم مثلي مشتاگ..يمه يحسين
الله يجفي شر سفرة هالعراگ..يمه يحسين

عنك انوب شما ازور اعتابه
گبر الحسن هم مثلي ماكو احبابه
اشتم عطر خوتك اضل بترابه
ام البنين الحزينة
يردلي سالم للمدينه
_____
واطلبت من الحسن..يوفون حگ اللبن
ولدي ويخلوني كون ارفع الراس
كون الجفوف المشن..عالخيمه يتكطعن
ومن عينه مايه يصب لخيامه عباس

من اصبي عينه تشرب كون الاطفال..يمه يحسين
ووصيت الولد من الضعن شال..يمه يحسين
دمهم يطلع ولا يطلع اخيال..يمه يحسين

يتذبحون اعللخدر واخياله
اتباها اريد اعللزمن وارجاله
لاخت الحسن يمه جبت خياله
دمهم انطوه للضعينه
اتردلي سالم للمدينة
__
ومن گبره ارد للنزل..وبالدار اشب واشتعل
والكه العليلة تشم بثوبك يجيدوم
مشيت جمر بالكطن..ماكلنه هيج الحزن
نفك الجفن عالدمع ونتصابح هموم

بملوحه دمع سمينة عالزاد..يمه يحسين
الدار الهاشمي خالي امن الولاد..يمه يحسين
نغفالك حرگ ونفزلك ارماد..يمه يحسين

طفينه يال أمك بديها الكوثر
امعوذتك بأربع رگب من الشر
لو ترجعلنه لو تودي الاكبر
وترجع اللمه الحنينة
تردلي سالم للمدينة
___
يامن علينه تعز..شما ابابك اندك نفز
بلكت على اضعونك جابولنه اخبار
بخير بسلامه بخطر...؟..ما عدنه عنك خبر
بمكه استقر لو مشه ما نعرف شصار

كابلنه تربتك ننضر بهم..يمه يحسين
ومن التربه فاض اعلينه يا دم..يمه يحسين
نعرف هالاشاره وكلنه تسلم..يمه يحسين

ارحم دمع فايض نهر فوك الخد
ارحم عليلة اتذكرك وتتشهد
ارحم طفل گلبه التهب ماورد
اتحنن وجاوب علينه
تردلي سالم للمدينة
___
بمصباح مابي نده..ابين القوافل صده
كالوا خبر عالضعن بهذا الصبح جاي
بيدي الفضل وانتظر..ولن ناعي ينعه بشعر
ولدج گضوا عالنهر ومحد شرب ماي

كتلي احجيلي بحسيني شنو الصار..يمه يحسين
وحدك كلي باقي والذبح حار..يمه يحسين
وطاح الفضل من ايدي اعللخبار..يمه يحسين

بلكت بشّر عنك تخيب اخباره
بلكت يرد طولك سكف لدياره
بلكت مضيفك تعله ترجع ناره
بلكي حلمانه وتجينه
تردلي سالم للمدينة

ام البنين صلوات الله عليها


وين يمه بيا محطه
ضعنك المحروس هسه
حسين من كثرت سؤالي
جدم ما عندي احسه
(السلام على من تورمت قدماها لكثرة السؤال على الحسين)
مو مهم بيه شتغير
المهم عبد الله نفسه...؟

امشي فوگ اثار ضعنك..واندل اثارك حنينه
وحافضه اصوات القوافل..واعرف اجراس الضعينه
يا حسين بكد حنانك ..باجية اباب المدينة

شتسوي المشتاگه..واتدور ماكو حسين
شتسوي المتعلمه..شوف تشوفك بالعين
يالكاصد بضعونك..ضعنك مكصوده لوين
__
هذا ليلي السهراني
نمته لو مثلي سهرته
گلبي مربوط بضعونك
تمشي خطوه اتدگ نبضته
ام اخوتك ماهي طيبه
حسين يمه طيب انته..؟

بدارك واشعر غريبة..شلون بيك وانته نازح
يالكصدت اگلوب خشنه..ابيتك اشجم گلب ذابح
حته الاهلاً من لسنهم..تنحسب هم حجي جارح

يا خيمتنه وفيينه..ناصب گالولي اخيام
ومحترگات اخيامك..تطلعلي بالاحلام
واتعوذ من حلمي..واتعوذ من الشام
____
فوگ گلبي امخليه بنتك
يفرق الليلة جرحهه
بليلة ما بين گمرهه
گلبي خايف من صبحهه
خايفه الدنيا تخلي
براس سيدها رمحها

عصبّت راسي ونعيتك..وعيني ما غمض جفنهه
وطر صبح ما شفت مثله..بعيني سوده الشمس جنهه
وتربتك يم راس بتك..فاض دم يحسين منهه

بمجّان البي تكعد..شعلتلك روحي اشموع
غير اسمك يا يمه..بكعدتنه ما مسموع(حسين)
وين الله ترد سالم..اتشاهدنه ومتنه دموع
____
بنعي ما مر عالمدينة
حسين يمه اسمك نعيته
خبر موتك جان عندي
بدارنه بعينك قريته
وطول هالسفره الطويلة
خبر موتك جذبيته

كون بين ضلوعي اضمك..يمه عن لا يغدرونك
شلون ينطيها گلبها..يمه هاي امتك تخونك
ما مصدكه ابدون اخوتك..حاير اتدير بعيونك

اتدير اعيونك حاير..ومالك ناصر يا ماي
كالوا تحجي وصوتك..ما يطلع يا مولاي
ما راح انعه اولادي..انعه اعلحوالك هاي
__

يا فاطمة الصديقة صلوات الله عليك
يا فاطمة ام البنين صلوات الله عليك
يا شبيهه الزهراء يا رقية صلوات الله عليك


خير العمل
نوحي معه الزهره
عايش اون واقره
اسعِد فاطمة

ومن انسئل
عن اهلي وانسابي
من دمعتي اجوابي
اسعد فاطمة

أنه اهلي كربلاء..ديني هوه الونين
گلبي وقف مصاب..ونبضاته يا حسين

ارزقني من نية جون..يا ابا عبد الله
خلي گلبي مفتون..يا ابا عبد الله
ووي عين الزهراء..من تصب دمعتها
كون اصب دمع عيون..يا ابا عبد الله
__
يا سيدي
ياهو علي يستر
ويطيّح ويعذر
غيرك يا حسين

لو ما أون
واتحسس الحسره
شبّجه امك الزهره
غيرك يا حسين

انه امي فاطمة..يمها احجي امن انهضم
تسمع ضيم العلي..العن امي بي اضم

العلگ من انشده..يا أبا عبد الله
تگضي كل الشدة..يا أبا عبد الله
خير اعلي فايض..يا كريم الزهراء
وهالكره شيعدّه..يا ابا عبد الله
_
الصارو خدم
فاطمة السوتهم
وبجفها جابتهم
جان اول عزاء

من فاطمة
اول دمع عالخد
واول هدم اسود
جان اول عزاء

بنص زحمه الطريق..جبتيني من ادي
وكمت ابجي يا حسين..ودمعج ستر علي

بعز ضياع الوادم..يا ابا عبد الله
كالو اعلي خادم..يا ابا عبد الله
للفضل للزهراء..من ادي جابتني
وگلبي اصبح هايم..يا ابا عبد الله
____
مجوي اليحب
والمجوي ما ينسة
جي فاطمة تحرسه
بأسم ام البنين

من فاطمة
لحد فاطمة  هالحب
فوكانه خدمة تصب
بأسم ام البنين

الداخل عد ام گمر..داخل عد السمه
بيا فاطمة اليحب..وتحرسه فاطمة

هذا حب مو عادي..يا ابا عبد الله
أم گمرنا تنادي..يا ابا عبد الله
من تحت هالخضراء..فدوة لاسمك يرحون
وفدوة طول اولادي..يا ابا عبد الله
___
دمع اليحب
من يا رقية انسن
ومالومة الاتجنن
في حب كربلاء

طفلة وطشت
وهم ورث الزهره
ماتت بجي وحسره
في حب كربلاء

عبد لرقية اصير..واتعلم الصدك
بخيمه بخرابه كون..لمحبوبي احترك

بنص خرابة ونادت..يا ابا عبد الله
دمعه دمعه ماتت..يا ابا عبد الله
ثبتت هذا الحب..بالبكاء والاهات
وقدوة للحب صارت..يا ابا عبد الله

#شهيدة_الانتظار
مولاتنا أم البنين

مذبوحه من وداعك.. يوم الرحت
و شهيدة انتظارك..هسه صرت

فكيت حزني بالجفن وحته الجفن بجيته
بمغيسلي و بيه نعي يحسين ما ناعيته
يالنايم برمضه ورمل فضلك ولا وفيته

بالمغتسل واتعذرك..بمصابك انه امقصره
مو يمك بالليل اهدعش..ما كابليت الزهره
متت بس جرحي نارك
شهيدة انتضارك
......................................................
من كد بواجي عيني..عيني انعمت
وبس صورتك حبيبي..بروحي بقت

معمية بس عندي امل ترجع تضوي عيوني
خمسين واكبر بالعمر واطفالك يكودوني
ام البنين بموتتك من النعي يعرفوني

لميت كل نوح البدو..ونحتّه بأثر هجرانك
وبدلته شوفي بالعمه..وما بدلتها احزانك
دمعتي وكلبي دارك
شهيدة انتظارك
............................................................
گبور بأديه ابني..لولدي والك
وكل مغربيه ازورن..واتوسلك

بانيته كبرك وحده ميزتك اعله اولادي
وامرادي اموتلك بجي ومنك اريد مرادي
سكّت شكو بكلبي حجي وخلي حُسين ينادي

لحد ما يرد ثارك الي..خليني هم منتظره
وحته بمماتي استحي..ماريد كبه وحضره
الامر امرك قرارك
شهيدة انتظارك
..............................................................
كالولي عن رقية..من شافتك
ماتت حبيبي فوكك..وي شبگتك

موتها يحسين العشك وهم ردته الك يكتلني
يالحاط جرحك بالگلب اكثر بعد عذبني
يرحولك فدوة الولد وعمري وسهم عيني ابني

من نشغة وحده طفلتك..قهروها بيك وماتت
ولجروحي نار ارقيتك..قدوة بواجي صارت
لدم شيبك ووقارك
شهيدة انتظارك
...............................................................
يم گبري نزلوني..واتذّكرت
محد دفن حبيبي..وانه نحت

لا تحضر بوكت الدفن يالمابقو خوانك
تشييعك اتراب وشمس وكالخشبه باقي السانك
فوكك بناتك بالعبي فيي سون لجثمانك

ام الكمر واسود بقه..كلشي بحياتي اخلافك
المغيسل ومايه جرح..المي ما وصل لشفافك

احتضاري لاحتضارك
شهيدة انتظارك

يا مولاتي يا ام البنين

دخيل ام البنين.. دخيل ام البنين
____

الزلم تدخل عد زلم معروفة هاي
عاده عد العرب من ذيج السنين
وانا لو ردت ادخل ادخيل والوذ
مالي غير ادخيل يا ام البنين


الما دخل يمها وتعنه البابها
دنيته تذلة وتصوبه اصوابها
والرجولة انشمرت بطين العبيد
من التراب اليسفي فوك اعاتبها

دخيل ام البنين.. دخيل ام البنين
____
شيوخ منگولة وبخيت بسد بخيت
والحچي لاهل الثگل مو للخفيف
ولو وصلنه بالحچي لأم البنين
اخياط تتخيط احلوگ البالمضيف

ايسكت احلوك الزلم طاريها
شارة العباس حضرت بيها
مثل متلف العصابه اعللجبين
الطلابه ام الگمر تگضيها

دخيل ام البنين.. دخيل ام البنين
____
ارگاب ياما خلصت ام البنين
وياما هدر الدم وگف والها الفضل
امربع افصول العرب لمن تريد
وفاتحتها امربع اتطيح الفصل

كل مسيل الدم توگفه بهاية
بسادة للعباس شالوا راية
البعيد اعللديانه والقريب
يخاف لو جابو بأسمها حجاية


دخيل ام البنين.. دخيل ام البنين
____
دور برس الخدم تلگه اكيد
بزاد سفرتها تغذت الامهات
سر حياة الكون من جربة كفيل
وسر دوام الخدمه هيه بالحياة

كلمن بيومه يموت ويومها
لهسه ما جاي وبعدها اعلموها
شما لكينه مجلس وخدمه وثواب
هنانه موجوده وهذن تعلومها

دخيل ام البنين.. دخيل ام البنين
_____
تربي حگ كبرتها ندري الأمهات
وهيه ياهو تجيبه ناذرته نذر
امبخره طول حسين بخوان وكفيل
وبرگبهم عوذت ضعن الستر

امن الحرورة البيج يا مولاتي
كون من دموعج لدمعاتي
ديري من نوحج على اگلوب العبيد
ديري جمرج خل نحب ساداتي

دخيل ام البنين.. دخيل ام البنين

#مولود


هي بنت من...؟
هي زوج من...؟
هي أم من...؟
هي فاطمة...هي فاطمة
__
يالمن الفرح محروم
افِرح وابتهل هاليوم
ما مولود اي معصوم
لو ما صايره الزهره

افِرح من گلب والسان
نزلت كوثر القرأن
لاهي من انس لا جان
بيهه الدنيا متحيره

ولادتها ولادتها..ولادة طاهرة وعضمى
ولادتها ولادتها..اجت رحمه على الأمه
اجت رحمه
على الامه..ولادة فاطمة الزهرة

هي بنت من...؟
هي زوج من...؟
هي أم من...؟
هي فاطمة...هي فاطمة
_
علگ زينة المولود
واتعطر وشيل اورود
وأدعي بجية الموعود
واليندعي مقبوله

بهجة ونور واستبشار
فرح اطفالك البّدار
علمهم الليلة شصار
خل مولود يقروله

هلا بيها هلا بيها..هلا بفاطمة القدسية
هلا بيها هلا بيها..اجت للدنيا حنية
هوه ورية
يحنية..ولادة فاطمة الزهرة

هي بنت من...؟
هي زوج من...؟
هي أم من...؟
هي فاطمة...هي فاطمة
____
اجت وابتهجت الاكوان
لؤلؤ ناصع ومرجان
هيه الروح و الريحان
كلمن ما فرح قصّر

هي الزيتون هيّه التين
هي سر سورة الياسين
هي تنزيل هذا الدين
نزلت والزرع خضّر

أمانينه أمانينه..هي تحققهن بجفها
أمانينه أمانينه..عطفها من عطف ربها
عطف ربها
شيوصفها..ولادة فاطمة الزهرة

هي بنت من...؟
هي زوج من...؟
هي أم من...؟
هي فاطمة...هي فاطمة

#موشح
#لمولاتنا_أم_كلثوم عليها السلام

بكثر ما شافت مصاب اعيونهه
تغمّض ام كلثوم گوه جفونهه
__
گوه تغمض عينها الشافت عذاب
شتنسه ذبح خوانها اوليد الرباب
سنة ما عاشت عگب طف المصاب

شلون تنسه الصار وي ضعونهه
تغمض ام كلثوم گوه جفونهه
__
مال وي كلثوم حيدر هالوكت
الليلة صوت ادموعها بسكته ايخفت
الليلة نعي حسين ينكص نوح اخت

الليلة ماكو اخوان ويودعونهه
تغمّض ام كلثوم گوه جفونهه
___
هاي ليلتها الاخيره ويا ختام
اتجبلت وتودي لحسين السلام
خوتك كتلتني ما كاتلني شام

وحِگ حليب امي وملح ماعونها
تغمض ام كلثوم گوه جفونهه
____
اه صاحت بس ذبح محسوبه الاه
بين ازقة الشام واسطوحه وهواه
هنا ضعنها انذبح سكته بمستحاه

اه صاحت وانخطف كل لونهه
تغمض ام كلثوم گوه جفونهه
___
وندري عالخوان كل عين الخوات
وين الاجفوف الندية الراويات
ما مغمضه اختك يكافل بالممات

امفتشه ماتت بلكي يحضر عونهه
تغمض ام كلثوم گوه جفونهه
___
اجنازه الغربه غريبة ابلايه لون
بلكي لأم كلثوم هالليلة تجون
بلكي تطوون الطريج وتعتنون

وبلجن اتنزلونها بمدفونها
تغمض ام كلثوم گوه جفونهه

#موشح
#شهادة_مولانا_الهادي عليه السلام

الليلة يا عاشر زلمها وعوَدها
تبجي فاطمتك وذابل عودها
_
اسد سامره وصرت انته الها باب
امن المدينة اتهجرت عشت اغتراب
يالشفت من أمتك الوان العذاب

شلون امه السممت ليقودها
تبجي فاطمتك وذابل عودها
__
الليلة يا رابع علي امن ال الرسول
تنفجع بيك امك الزهره البتول
تنعه فگدك فاطمة بونه وتگول

ااخ يولادي وسموم اجبودها
تبجي فاطمتك وذابل عودها
____
الليلة يالهادي جرحها يصير بيك
بضلع محني ودمعه سچابه تجيك
تغمض عيونك  يهاديها واديك

بيدها اتسبلهن لمضهودها
تبجي فاطمتك وذابل عودها
____
تبجي فاطمتك على اسموم الجبد
امك المحزونه بيمن تنسعد
ووصل سم الحسن حد ولد الولد

بثار جبدك تشتكي لمعبودها
تبجي فاطمتك وذابل عودها
____
تبجي فاطمتك تصد للعسكري
مزگ اثيابه ودمع عينه جري
اتحفه ابنك واتجه صوبك الغري

ياعلي سمّو جبد صايودها
تبجي فاطمتك وذابل عودها
_
تبجي فاطمتك يهاديها الغريب
وغربتك ودتها لحسين السليب
وانته ميت صحت وياها بنحيب

يا خيامه العالهزيل اورودها
تبجي فاطمتك وذابل عودها
__
من اجت يمك لگت ابنك ينوح
حسين من حضرتله ماكو بولده روح
فوگ صدره حط رضيعه وهالجروح

ما تطيب اله يجي موعودها
تبجي فاطمتك وذابل عودها


اللهم عجّل لوليك الفرج

9 رجب اي قبل 20 يوم من خروج الضعن

والمتعارف عليه هوه ولادة مولانا الرضيع

فهل كان لقاء للطفل مع اخته العليلة ام وداع....؟


https://youtu.be/UOiGTIi_58k?si=t-bxrCzt9jwI3zs7

#خروج_ضعن_الحسين
خطاب مولاتي فاطمة العليلة


يا حسين
بالسلامة امودعين
بالسلامة امودعين
راح ارش دمعي بضهركم
بدمع طفلة امعوذين
وراح ارد امن الموادع
وردتي ما ادري وين
بيتي وين..؟
بيتي فوك النوك شال
والسؤال
ماي ششرب..؟
وشكو ماي بجود عمي
وجوده قرر ارتحال
والسؤال
زادي وينه
وملح زادي عمتي زينب
حملت فوك الجمال
مسافرين
اكبال عيني ال هاشم شايلين
وانا اكابر لا اكسر شيخ الهواشم
ولا اعطل الرايحين
بصوت هافت كمت انادي
بالسلامه امودعين.. بالسلامه امودعين
رجفت ايدي ورجفت ايده
لخصت كل الحنين
خيل هجرك بوية ركضت
وطشرت كل السنين
وناگه ناگه أدموعي طاحت
وشيعت دمعي اعلخدي
وادفنتهن وسط حضن ام البنين
بالسلامة امودعين.. بالسلامة امودعين
وردة بوية اسگوني ملگه
شجرة طاحت ورگه ورگه
شما اكابر ابقه طفلة
تريد من والدها شبگة
اليغرك بدمعات عينه
اوجوه اهله اتصير شهكه
يا ابو فاضل
برايتك ماخذ هوه الله
رف عليه الدنيا خنگة
رف عليه يابوفاضل
حصة الي بحضنك يكافل
رف علية
حصه الي عمي بحنانك
مثل ما حصة لرقية
حصه الي بعينك يعمي
قبل لا سهم المنية
يوصل وعينك ضحية
ادري ما يرجع ضعنكم
وگلبي اقنعه براجعين
وادري معدومه السلامه
ووادعتكم يا حسين
بالسلامة امودعين.. بالسلامة امودعين
بالسلامة يا هواي
بالسلامة يا ضواي
بالسلامة بريج ضامي
لان الكم ماكو ماي
وادعتكم واهلا اصرخ
باجر تشح حته هاي
لاكو اهلا لاكو ماي
ريضو يا بختي ورجاي
بهيده امشو يا دواي
بهيده خل مشيي الضعين
عالذبح مستعجلين
بالسلامة امودعين

صلى الله عليك يا ابا عبد الله

اليوم كلشي بالسمه ينادي حسين
واولياء من جفه رادت بس عطاء

نوع هاي الرحمه ما مر عالوجود
وسره تريد اتصافح جفوفه السماء

شيوصل الصافح جفوفك يا حسين
وانت التراب التسحگه بي شفاء

الله شاء بطرد فطرس يا رحيم
ومن مسح مهدك يقبله الله شاء

انت مطلق رحمة الباري الرحيم
لامكان يحدها لا بيها انتهاء

انت ((هم)) الله فاطمتك تصير
وشكو ((اللهم)) بالزهره التقاء

واتزان الكون نقطة بفضل ابوك
ودون حيدر ابد ما تنقري الباء

حسين خاتم كل عبادات العبيد
مثل ما جدك ختم كل الانبياء

انت حارج شكو مؤمن بالوجود
لان محد ناجه ربه بالدماء

وفهت يمك كل تلاوات الكتاب
وانت عالي برمحك وتتلو الوفاء

وماكو اكمل من سجدتك ياحسين
والسهام اعليك تمطر بالعراء

وماكو اكمل من دعائك يا غريب
من شلت عبد الله قدمته فداء

اليوم تنگر السمه بهالجية هاي
اجه اليعبد حد فنائة بلا فناء

والله راد يرد فنائك يا وحيد
وحار بيك شلون ينطيك الجزاء

الناس صلت كلها عالبيت الحرام
وانته صلى الله عليك بكربلاء

اليبتغي وجه الله ويدور رضاه
يسجد ابابك خضوغ وابتغاء

اليوم هذا اليوم صار الحب عذاب
والمحبه صارت اليوم ابتلاء

احتراق الحب لگيته بالرسول
والصدگ بالدمعه والباقي افتراء

اللهم عجّل لوليك الفرج

عزيزة الحسين رقية💔💔

رقية اجمل اسم مكتوب
ورقية اترف اسم مسموع

احروف تصوغ اسامي الناس
وانتي اسمج تصوغه ادموع

شكو بالدنيا شي معسول
برقتج مار من مصنوع

شكو نسمه بعطر هبت
عطر هالنسمه الج مرجوع

لخضار اهلج يطوف إجلال
حته يخضر المزروع

يريت اعصر الدنيا الوان
واسبّل گلبي الج ينبوع

ويريتن تنشره النجمات
ونشعلهن بدل لشموع

ويريت اقماش محفلنا
بتراجي من ذهب مرصوع

يالبگلب المخيم ماي
من جان العطش مطبوع

رقية الفرح منج صار
بس ليج الفرح ممنوع

من كل باب اريد ارثيج
ارد بدمعتي ومفجوع

بصندوگ الحكايه اسرار
واليتحره كون يلوع

اذا احسب شعشتي اسنين
يطلع بس نعي المجموع

اسنينج كد يمين حسين
من ضل خنصره مكطوع

ولان گلبج اعيون حسين
شبگتي صرتي فوگ اضلوع

نعي مصابج يمر شراي
واذب گلبي الج مبيوع

شبيهة فاطمة الزهراء
وشاهد عندي بالموضوع

دمعجن سهر الضلام
وسّلاح البجي هنا مرفوع

غربة حبيبي رسول الله صلى الله عليه واله
بعد فقدة كافله مولاي ابو طالب صلوات الله عليه
وحبيبته مولاتي خديجة صلوات الله عليه

يا رسول الله حبيبي..يا غريب شهالجروح
ام زهرتك يا محمد..الليلة من ايدك تروح

وخمس اعوام سنين الزهره
وتتيم من أمها بحسرة
أنا اعطيناك الكوثر
والكوثر ضلت متحيره

الدين اتيتم ووي فاطمة انصاب
واويلي خديجة امصابها امصاب
هاي اول علامه لدفعة الباب

لولاها ولولا الكرار
ما قام الدين وما صار
____
لا أموال اعليك عزت..ولا تجارة ولا دلال
بت قصر عافت قصرها..وسكنت وياك الجبال

أبتر عنك گالوا امتك
وردتّهم جابتلك بتك
مثل المي عاشت بجفوفك
وضحتلك ياما ضحتلك

قريش ترامي جانت طولك احجار
وخديجة تحط جفوف الزهره الاصغار
فوك جروحك وبلسمها يندار

لو ما هذا الملگه الحار
ما قام الدين وما صار
____
العام الميتم زهرتك..جان عام شكد أليم
ابو طالب راح منك..وعلي هم امسه يتيم

بمكة ومنفي وعايش غربه
موت بموت وصعبه بصعبه
هم متغرب هم أم بيتك
وهم كفالك يوگف گلبه

خديجة وأبوطالب عام الاحزان
الجروح منين ما تندار عنوان
متغربة بغربتك كل الاديان

ولو ما صبرك يالمختار
ما قام الدين وما صار
____
دور ابو طالب يكمله..وي محمدنا علينه
وفاطمة وي حب خديجه..ترعه واتداري نبينه

شهالرحمه الموجوده هنانه
شهالبيت الما تكضي احزانه
شهالحنية اللازم تنزف
ويا هالذرية العطشانة

هذا البيت ما مقسوم يرتاح
عطش وسموم اه وحزن واجراح
وارثتهم الغربه ودمعه وانياح

ولو ما نازف دم هالدار
ما قام الدين وما صار

رجاء قلبي المُتعب
لرحمة الحُسين صلوات الله عليه

رحمتك بالصور مولاي
امبينه بعينك وتجذب
رحمتك وسعت الكلشي
ما توسع گلب مذنب..؟؟

گلبي علمه
ابجديه حبك احلى ابجديه
نضره وحده
تكفي وتعمر خرابي الصار بيه
ضگت قربك
وضگت بعدك والفرق بين عليه

رجعني.. دخيل بدورة عيونك
رجعني.. بحرگه الطم على ضعونك
أمن اليبجوك مو من اليبجونّك
.............................................
احب ابجيك بالضلمة
اخاف الدنيا تاخذني
وابجليك حيه امن الناس
وما صب دمعي من حزني

مستحه ابجي
وما ابجيلك سيدي والله هضيمه
راح اسلمه
كلبي بيدك سيدي وبجروحه ديمه
وفدوة علمه
النضره من غير ام حسن ما الها قيمه

اشطبني..من راس البشر مولاي
اشطبني..بكل لحضه انته مو وياي
وسجلني بسجل امك اهم شي هاي
....................................................
ما ريد الدرب يخلص
اكصّر خطوتي بمسراك
وحرام احسب وكت يحسين
اشمر ساعتي امن انعاك

كون وكتي
يوگف ويگضي بمصايب ذاك صبحك
عشت ميت
وانحييت بشهگه الزهره اعلذبحك
ووي ناسي
مو بزاد اتمالحت بدموع جرحك

كل عشره..امعاشرهه بخيم واهات
كل عشره..اتدووم بطيحه الدمعات
الناس الما تنوح اعليك ماضي ومات
....................................................
عشنه اجروح للزهره
ما عشنه الجرح للناس
من سنة السنة بخوفه
وقلقنه الليلة العباس

الدنيا ضلمه
والجرح والدمعه بيبان لسبيلك
هاي هضمه
نشم هوه وطايح على الشاطي كفيلك
بخوف عشنه
استوحدك من طاح عباسك جبيلك

تجرحني..عدوانك عليك اتطوف
تجرحني..بده أبخيمه رقية الخوف
عله جف العدو وعباس ماله جفوف
_

#ثكيل_للأمام_الصادق عليه السلام

حلم..ركعتين الزياره بصحنك العامر
حلم..صحنك بي لشبه لحسين بالعاشر
شما توكف اتطيح المناره
والشيعه محرومه الزياره
يا جعفر الصادق..يا جعفر الصادق..
_
المريض يسافر..لطبيبه ويحصل دوه
ومريضك انه..ولزيارتك كلبي هوه
علك عازلك..بس وين اشده من اجي
واباوع كبرك..وي الترب صاير سوه

ولو زرتك صدك مولاي..خجلان اكعد بكترك
فشله اكبور اهالينه..صارت اعلى من گبرك

حلم..من نفسي اللئيمة اشكي بعتابك
حلم..اخذ صوغه لامي امزوره ابابك

گبور اهلي اعلى شكد جساره
والشيعه محرومه الزياره
__
لنفرض جيتك..وارسملي گبه اعللترب
الهوه يخربهه..اوي ال النبي كلشي حِرب
الزياره اقراهه..يم يا حجر من الكبر
وشدك واستأذن..وكل باب الك ماكو امن اطب

محد قدر النعمه..النعمه بجفنا واتبدت
بوب التوبة تفحلي..بوب الصحنك انهدت

حلم..وحلم ازيارتك سيدي يبجيني
حلم..اصد لمع القباب وتنترس عيني
لبگلبه جمره اتعيشه ناره
والشيعه محرومه الزياره
_
من اطب للمجلس..يالصادق بدمعي انكسر
مكاني شكبره..وما عندك لصحنك كتر
الفضل من عندك..من كمت اجي لمجلس
واشكرك حاير..وكل شكري يحتاج لشكر

بفضلك عندي صاير بيت..وصحنك بالترب صاير
يالمعلمني ازور حسين ..ما يمك ولا زاير

حلم..شلون الناصبي يحرس على حدودك
حلم..وين الجعفرية ووينها جندوك
كلب اليحب وينه قراره
والشيعه محرومه الزياره
__
الوصال يدور..عاشك يضحي بكل وكت
ورقية الشاهد..حبت وماتت عالطشت
ردت دعوتهه..تدعيلي ما اضيع فرص
اذا اوصلك..ما ريد ارد نفس الرحت

فرق ازياره المرتاح..عن ازيارة العاشق
وملهوفه تجي الزهراء..تزور بجعفر الصادق

حلم..قبل لا احلم بسجده على عتابك
حلم..كون احلم شلون ابني أنه ابابك
بنيانكم حلم الغياره
والشيعه محرومة الزياره
_
بوجاهت امك..من الله نطلب هالطلب
البقيع نطبله..عماله ونشيّد الگبب
اذا شاء الله..وصار البناء بحضرتك
العطش من عدنه..ماي امن ابوصالح شرب

طلب لو بينه ذره حب..يصير ومرقدك يشهد
الحب يخلق معاجز كون..ونريد اعجازنه الغرقد

صدك..ما ريد الحلم واقع اريدنه
صدك..ما ضل شي بناء الصحن مطلبنه
والحلم يتحقق مساره
والشيعه محرومه الزياره

مصطفى صادق اللامي

يا ايها الغرقا..قد اتى محرم الحسين
يا ايها الغرقا..اركبو سفينة الحسين
نوحوعلى الغريب
ابجو على الغريب
_____
يالغركان وجاي تنازع
مد احباله حسين
ابجي دموع العين..وارفع ايدك خي ينجيك

لتكول ذنوبي ايكضّني
الدمعه لجرح اخيام
تحط اذنوب اعضام..وتغسل كلبك وتصفيك

يغسل كلبنه بماي دمعات
وما عنده ماي حسين من مات
ابجو العطاشى ابجو الغريبات
(والخير كله بخدمة حسين)

يا ايها الغرقا..مد حبل سفنه الحسين
يا ايها الغرقا..لبسو اسودكم على الحسين
نوحو على الغريب
ابجو على الغريب
_____
جرب مره تون لحسينك
وشوفه امن يجازيك
الله يصلي اعليك..بس نزل دمعه امن العين

بدموعك تسعدمن تدري...؟
كلب امه المقهور
ام ضلع المكسور..تدور وين اليبجي حسين


تسعدني يالي تون على ابني
انه الزجية حسين وني
ما لحك ينام اعلحضني
بحضن الرمل خليته مطروح


يا ايها الغرقا..فرصة ما تكضي الحسين
يا ايها الغرقا..دكو بيبان الحسين
نوحو على الغريب
ابجو على الغريب
__
اتخيل المن واصل جرحه
وتبجيه حته احجار
ويبجونه اهل النار..هز كلبك ختطيح ادموع

كلشي اتشوفه عيونك ناحه
وحته الما ينشاف
وون وناح وخاف..بعدك المن ما مفجوع

وين العلى امصابه بقه ينود
نوح الثكالى اعليه مريود
مضهود مات حسين مضهود
وما لحكت تنعه اخته فوكاه

يا ايها الغرقا..رحمه اجه شهر الحسين
يا ايها الغرقا..ونو مضهود الحسين
__
شرعاُ مكروه الي يبجي
واليبجي لعاشور
ممدوح وماجور..عوف الدنيا بهمك حيّر

جربة مره انهم واتحسر
والينهم ويذوب
جن عابد محسوب..وتسبيحات انفاسه تصير

يجازي العليه بالعبره مخنوك
وجم عبره راحلته على النوك
گلب الخوات اعليه محروك
ومنعوهن امن الونه والنوح

يا ايها الغرقا..عنهن نيابه انعو الحسين
يا ايها الغرقا..مره التهو بجروح الحسين
نوحو على الغريب
ابجو على الغريب
__
يالما تندل درب الحجة
درب امبين حيل
بابه اجروح وخيل..ودمعاتك هيه اتدليك

كلما صبّح كلما يمسي
للمهدي تصب عين
ويندب جده حسين..شكد بحجاياته يبجيك

يحسين يا جدي يمنحور
لو عاقني اعللنصره مقدور
اله اموت بغصتي مقهور
بنية رقية الماتت اعليك

يا ايها الغرقا..عينوا الامام بجرح الحسين
يا ايها الغرقا..مريوده هاي الحركه لحسين
نوحو على الغريب
ابجو على الغريب

خل تفرح عبيد حسين الليلة انفاس من شعبان
وخل يهب عطر عباس و بي تتباشر البلدان
غبشه النور يصبح نور و يخضر عود كل ريحان
وتبدي تهوس الشياب
وهلاهل تعله للنسوان
والدبچه الجنوبية على الشبان
وصوت امن السمه ايبشر
اجه السلطان اجه السلطان
اجه الصايد گلبنه وصايد الصياد والغزلان
اجه التارس الدنيا الوان
اجه الاتقن أناقة هاشم وعدنان
ازمة بسوگ بمشهد ماكو اخضر لون
جي يلبس الاخضر جان
جفة يگود المفتشين والعميان
اجه الخلانه نتحسر نزور ايران
اجه الخلانه نعشگ أرض اهل سلمان
معجزه النبي موسى عصاه ثعبان
ومعجزة الرضا الممسوخ رده انسان
انيس منين ما يندار
أنيس افراح أنيس احزان
ورؤوف منين ما ينشاف
بگبته برايته بصورته اعللحيطان
حط بكل گلب نيشان
رحمته اتشابهت بالماي
غصب تحتاجها والها تظل عطشان
رحمته اتفجر امن اعيونه النهران
دخيل برحمة الرحمن
دخيلك ياعلي السلطان

اللهم عجل لوليك الفرج
دخيلك ياعلي السلطان